சென்னை, கோயம்புத்தூர், மதுரை உள்ளிட்ட பெருநகரங்களில் அதிகரித்து வரும் காற்று மாசை கட்டுப்படுத்த நுண்பாசி திரவ மரங்கள் (Liquid Trees) போன்ற நவீன தொழில்நுட்பங்களை பயன்படுத்த வேண்டும் என சமூக பொதுநல இயக்கம் வலியுறுத்தியுள்ளது. கார்பன் டைஆக்சைடை உறிஞ்சி ஆக்சிஜனை வெளியிடும் இந்த நுண்பாசி அமைப்புகள் நகர்ப்புற சுற்றுச்சூழல் பாதுகாப்பில் முக்கிய பங்காற்றும் என தெரிவிக்கப்பட்டுள்ளது.
கன்னியாகுமரி மாவட்டத்தில் ஆண்டுக்கு சுமார் 2.96 மீட்டர் அளவுக்கு கடற்கரை கடலால் அரிக்கப்பட்டு வருவதாக சமூக பொதுநல இயக்கம் தெரிவித்துள்ளது. மீனவ கிராமங்கள், கடலோர மக்கள், விவசாயம் மற்றும் சுற்றுச்சூழலை பாதுகாக்க தமிழக அரசு உடனடி நடவடிக்கை எடுக்க வேண்டும் என வலியுறுத்தியுள்ளது.
நெல்லை மாவட்டம் பணகுடியில் நூற்றாண்டுக்கும் மேலாக வாழ்ந்து வரும் வவ்வால்களின் வாழ்விடத்தில் கோவில் விழாக்களின் போது பட்டாசு வெடிப்பதால் அவை கடுமையாக பாதிக்கப்படுகின்றன. சுற்றுச்சூழல் சமநிலை, விவசாயம் மற்றும் பல்லுயிர் பாதுகாப்பில் முக்கிய பங்கு வகிக்கும் வவ்வால்களை பாதுகாக்க, அவற்றின் வாழ்விடங்களில் பட்டாசு வெடிப்பதை தடை செய்ய வேண்டும் என்றும், வனவிலங்கு பாதுகாப்பு சட்டங்களை கடுமையாக அமல்படுத்த வேண்டும் என்றும் சமூக பொதுநல இயக்கம் வலியுறுத்தியுள்ளது.
இந்தியாவில் காற்று மாசுபாடு நாளுக்கு நாள் அதிகரித்து வருவதால் மனிதர்களின் உடல்நலம், சுற்றுச்சூழல் மற்றும் ஆயுட்காலம் கடுமையாக பாதிக்கப்படுகின்றன. சுற்றுச்சூழல் செயல்திறன் குறியீடு (EPI) மற்றும் உலக காற்றுத் தர அறிக்கைகள் இந்தியா மிகவும் மாசுபட்ட நாடுகளில் ஒன்றாக இருப்பதை சுட்டிக்காட்டுகின்றன. புதுப்பிக்கத்தக்க எரிசக்தி, வன பாதுகாப்பு, மாசுக் கட்டுப்பாடு, நீர்நிலைகள் மற்றும் பல்லுயிர் பாதுகாப்பு போன்ற நடவடிக்கைகளை அரசு தீவிரமாக செயல்படுத்த வேண்டும் என சமூக பொதுநல இயக்கம் வலியுறுத்தியுள்ளது.
கோயம்புத்தூர் சின்னவேடம்பட்டி ஏரியில் ரூ.318.9 கோடி செலவில் கழிவுநீர் சுத்திகரிப்பு நிலையம் (STP) அமைக்கும் திட்டத்திற்கு சமூக பொதுநல இயக்கம் எதிர்ப்பு தெரிவித்துள்ளது. சுத்திகரிக்கப்பட்ட நீரை ஏரி மற்றும் பாசன கால்வாய்களில் விடுவதால் நிலத்தடி நீர், விவசாயம், பல்லுயிர் மற்றும் சுற்றுச்சூழல் பாதிக்கப்படும் அபாயம் இருப்பதாகக் கூறி, திட்டத்தை மறுபரிசீலனை செய்து சின்னவேடம்பட்டி ஏரிக்கு பவானி ஆற்றின் உபரி நீரை கொண்டு வர வேண்டும் என வலியுறுத்தப்பட்டுள்ளது.
கர்நாடக மாநிலத்திலிருந்து வரும் தொழிற்சாலை மற்றும் நகர கழிவுநீர் காரணமாக தென்பெண்ணை ஆறு மற்றும் கெலவரப்பள்ளி அணை கடுமையாக மாசுபட்டு வருகிறது. அணையில் போதுமான நீர் இருந்தாலும், ரசாயன மாசுபாடு காரணமாக விவசாயம், குடிநீர் மற்றும் சுற்றுச்சூழல் கடுமையாக பாதிக்கப்பட்டுள்ளதாக சமூக பொதுநல இயக்கம் தெரிவித்துள்ளது. கழிவுநீர் வெளியேற்றத்தை தடுக்கவும், பூஜ்ஜிய கழிவுநீர் வெளியேற்ற (Zero Liquid Discharge) முறையை கட்டாயமாக்கவும் அரசு நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.
கேரள மாநிலம் வயநாட்டில் தொடர்ச்சியாக நிகழும் நிலச்சரிவுகள், மனித தலையீடு மற்றும் கட்டுப்பாடற்ற வளர்ச்சி திட்டங்களின் விளைவாக சுற்றுச்சூழல் பேரழிவுகள் அதிகரித்து வருவதை வெளிப்படுத்துகின்றன. மேற்குத்தொடர்ச்சி மலையின் பல்லுயிர் வளம், நீராதாரம் மற்றும் காலநிலை சமநிலையை பாதுகாக்க காட்கில் குழு மற்றும் கஸ்தூரிரங்கன் குழு பரிந்துரைகளை நடைமுறைப்படுத்த வேண்டிய அவசியத்தை சமூக பொதுநல இயக்கம் வலியுறுத்தியுள்ளது.
தமிழ்நாட்டின் அரிய வனவிலங்குகளில் ஒன்றான சாம்பல் தேவாங்கு (Grey Slender Loris), சட்டவிரோத வேட்டை, காடு அழிப்பு, சுரங்கப்பணிகள், பூச்சிக்கொல்லி பயன்பாடு மற்றும் வாழ்விட இழப்பு காரணமாக அழிவின் விளிம்பில் தள்ளப்பட்டுள்ளது. இயற்கைச் சமநிலையையும், பல்லுயிர் பாதுகாப்பையும் உறுதிப்படுத்த தேவாங்கு வாழ்விடங்களை பாதுகாக்கவும், சட்டவிரோத நடவடிக்கைகளை கட்டுப்படுத்தவும் அரசு விரைந்து செயல்பட வேண்டும் என சமூக பொதுநல இயக்கம் கோரிக்கை விடுத்துள்ளது.
தமிழகத்தில் அதிகரித்து வரும் சுற்றுச்சூழல் அழிவு, வன அழிப்பு, நீர் மற்றும் காற்று மாசுபாடு, வளக் கொள்ளை போன்ற பிரச்சினைகளை கட்டுப்படுத்த, சுற்றுச்சூழல் படுகொலை (Ecocide) குற்றத்தை தடுக்கும் தனிச்சட்டம் அவசியம் என சமூக பொதுநல இயக்கம் வலியுறுத்தியுள்ளது. தற்போதுள்ள சுற்றுச்சூழல் சட்டங்கள் போதுமான தடுப்பாற்றலை வழங்கவில்லை என்றும், இயற்கை வளங்களை நிரந்தரமாக பாதுகாக்க கடுமையான சட்ட நடவடிக்கைகள் தேவை என்றும் அறிக்கையில் குறிப்பிடப்பட்டுள்ளது.
வேலூர் மாவட்டம் ஜவ்வாது மலைப் பகுதியில் அதானி குழுமம் முன்மொழிந்துள்ள அல்லேரி புனல் மின்நிலையத் திட்டம், காடழிப்பு, உயிரியல் பன்மை இழப்பு, விலங்குகளின் வாழ்விடம் பாதிப்பு மற்றும் நீர்வள சீர்கேட்டை ஏற்படுத்தும் அபாயம் உள்ளதாக சமூக பொதுநல இயக்கம் எச்சரித்துள்ளது. சுற்றுச்சூழல் பாதுகாப்பைக் கருத்தில் கொண்டு இத்திட்டத்திற்கு தமிழக அரசு அனுமதி வழங்கக் கூடாது என வலியுறுத்தப்பட்டுள்ளது.
